Өнгөрсөн амралтын өдөр буюу хоёрдугаар сарын 02-ны /2025.02.02/ өдөр Баянгол дүүргийн нутаг дэвсгэрт 15 настай охин 16 настай найз хөвгүүнээ хутгалж, амь насыг нь хөнөөсөн ноцтой хэрэг гарсан байна.

Эх сурвалжийн мэдээлж буйгаар тухайн хүүхдүүд архи согтууруулах ундааны зүйл хэрэглэсэн байхдаа тухайн хэргийг үйлдсэн байна. Өдгөө уг хэргийг цагдаагийн байгууллагаас мөрдөн шалгаж байгаа аж. 

Энэ талаар Цагдаагийн байгууллагаас тодруулахад "Энэ хэрэгтэй холбоотой дуудлага мэдээлэл Цагдаагийн байгууллагад энэ оны хоёрдугаар сарын 01-ний өдөр бүртгэгдсэн. Хэрэгт холбогдсон этгээд буюу 15 настай охин архи согтууруулах ундаа хэрэглэсэн үедээ, 16 настай найз хөвүүнээ мэсээр хөнөөсөн болох нь тогтоогдсон. Одоогоор тус хэрэгтэй холбоотой мөрдөн шалгах ажиллагааг үргэлжлүүлж байна" гэх мэдээллийг өглөө.

Иймд эцэг, эхчүүд өсвөр насны хүүхэддээ тавих хараа хяналтаа сайжруулж, хүүхдүүдтэйгээ ярилцаж, зөвлөж байхыг сэрэмжлүүлэх үүднээс энэхүү мэдээллийг нийтэллээ.